عصابة المافيا للاجرام

اضحك كركر اوعى تفكر انك هتكون مجنون
 
الرئيسيةالبوابةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 حوار يحرق الدم!!!!!!!!!!!000000 ؟؟؟؟؟؟؟؟؟؟؟؟

اذهب الى الأسفل 
كاتب الموضوعرسالة
aia_yoyo



عدد الرسائل : 108
تاريخ التسجيل : 23/06/2007

مُساهمةموضوع: حوار يحرق الدم!!!!!!!!!!!000000 ؟؟؟؟؟؟؟؟؟؟؟؟   الأربعاء يونيو 27, 2007 11:36 am

حوار يحرق الدم
*****************

فيه اتنين ماشفتش و لا حاشوف حد فى غلاستهم
و بيقعدوا دايما يتناقشوا مع بعض و اللى يقرب منهم يستاعل اللى يجراله.
ملحوظة هامة : اللى بيعانى من اى اضطرابات فى ضعط الدم سواء كان
ارتفاع أو انخفاض أو عنده دم من أساسه فمن مصلحته
انه يفوت الصفحات دىة و بلاش يشيلنى ذنبه لو جراله حاجة_الواحد cheers cheers
مش ناقص و قد أعذر من أنذر.


- صخرة وقعت من فوق العمارة لوح الازاز اللى تحتها متكسرش لية ؟
عاشان ماوقعتش عليه
- طب فرخة بتعدى الشارع ماتت فجأة لية ؟
الصخرة وقعت عليها
- لية ملخفن بيحط جنبه كباية شاى وهو نايم ؟
علشان الشاى منبه
- طب لية بيحط جنب كباية الشاى فنجان قهوة ؟
علشان لو الشاى مرنش
- طب لية بيحط جنبه كباية مية فاضية و كباية مليانة ؟ sunny sunny
علشان ممكن يشرب و ممنك ميشربش
- و ليه بيحط ملح على راسه ؟
علشان يبقى حدق
- و ليه بيحط سكر على الكرسى قبل ما يقعد ؟
علشان تبقى قعدته حلوة
- حاجة طايرة فى السما و بتقول نياو اية هى ؟
قطة بيضاء مضروبة بالشلوت
- طب حاجة سودة طايرة فى السما و بتقول نياو اية هى ؟
غراب بيستهبل
- طب حاجة بنى طايرة فى السما و مبتقولش اى حاجة اية هى ؟
فردة الجزمة بتاعة الراجل اللى ضرب القطة البيضاء
- طب حاجة سودة طايرة فى السما و مبتقولش حاجة اية هى ؟
غراب عاقل و مبيحبش الاستهبال
- حاجة زرقاء طايرة فى السما اية هى ؟
ذبابة لابسة بنطلون جينز أزرق
- طب حاجة سودة و فيها خط أحمر و طايرة فى السما من الشرق للغرب
اية هى ؟
ذبابة لابسة فستان سواريه و حاطة روج و رايحة فرح واحدة صاحبتها
- طب حاجة سودة و فيها خط أحمر و طايرة فى السما من الغرب للشرق rendeer rendeer
اية هى ؟
نفس الذبابة نسيت حاجة فى البيت فرجعت تجيبها
- حاجة سودة ماشية فى الصحراء اية هى ؟
سرب نمل رايح يعزى
- نقطة سودة على الحيطة اية هى ؟
ذبابة
- طب 3 نقط سود على الحيطة تبقى اية ؟
ذبابة و فيشة
- طب 54 نقطة سودة على الحيطة تبقى اية ؟
يبقى البياض بيقشر
- حاجة رفيعة و طويلة و لونها أبيض اية هى ؟
فتلة بيضاء
- طب حاجة رفيعة و طويلة و لونها اسود تبقى اية ؟
خيال الفتلة البيضاء
- ايه هو الحيوان الاخضر الصغير اللى بياكل الزلط ؟
هو ابن الحيوان الأخضر الكبير اللى بياكل الزلط
- ايه هو عكس كونكريت ؟
لا تكن كريت
- ايه هو عكس تلميذات ؟
Don't tell me that
- ليه الثعلب تخين ؟
علشان الثعلب fat fat
- حاجة ماشية على الارض و بتعمل زززززززز _ ايه هى ؟
صرصار راكب موتوسيكل
- طب ناس دخلوا شقة فعرفوا ان فيها صراصير _ عرفوا ازاى ؟ farao farao
لقوا الموتوسيكلات راكنة جنب البلاعة
- تعرف تقوللى فرقين بين الليمون و الزيتون ؟
1 - فيه ليمونادة و مافيش زيتونادة
2 - تقدر تقول الناس لامونى لكن ماتقدرش تقول الناس زاتونى
- طب تعرف تقوللى 5 فروق بين الوزة و البطة ؟
1- تقدر تحلق شعرك زلبطة لكن ماتقدرش تحلق زلوزة
2 – فيه رحالة اسمه ابن بطوطة لكن مافيش رحالة اسمه ابن وزوزة
3 – تقدر تبلبط فى البحر لكن ماتقدرش تبلوز فيه
4 – كلنا بنتغطى فى الشتاء ببطانية لكن مبنتغطاش بوزانية
5 – الوزة كانت زمان بطة لكن الشيطان وزها
- طب تعرف تقوللى 5 فروق بين الفيل و النملة ؟
1 – رجل الفيل ممكن تنمل لكن الرجل النملة مش ممكن تفيل
2 – البيت ممكن يبقى فيه نملية لكن مش ممكن يبقى فيه فيلية
3 – تقدر تاكل سمك فيليه لكن مش ممكن تاكل سمك نمليه
4 – كل واحد له بروفيل لكن مالوش برونملة
5 – you can feel but you cannot namla
- ايه الفرق بين الفيل و البرغوت ؟
الفيل ممكن يتملى براغيت لكن البرغوت مش ممكن يتملى فيلة
- ايه عكس زمان ؟
The woman
- ايه عكس نجوم ؟
نجعد
- ليه القطر بيصفر قدام الاجزاخانات ؟
علشان القطرة تطلع
- طب ليه الكاسيت مبيخلفش ؟
علشان بنحطله شريط
- و ليه الكتكوت مابيعرفش يكذب على الفرخة ؟
علشان هى اللى فاقساه
- ليه القطر بيقف على المحطة ؟
علشان مابيعرفش يقعد
- طب و ليه بيمشى بعد كدة ؟
علشان زهق من الوقفة
- بيضة وقعت من الطيارة و ماتكسرتش – تفتكر ليه ؟وقعت على الناحية المغسولة بمعجون الاسنان كرست
- ازاى تحط غزالة فى التلاجة على 3 خطوات ؟
نفتح التلاجة و نحط الغزالة و نقفل التلاجة
طب ازاى نحط الفيل فى التلاجة على 4 خطوات ؟
نفتح التلاجة و نشيل الغزالة و نحط الفيل و نقفل التلاجة
طب فيه طيارة شايلة أجهزة كهربية و حصل فيها عطل فلازم نرمى
اثقل جهاز – نرمى ايه ؟- واحد بيعوم مات فجأة – تفتكر ليه ؟
علشان التلاجة اللى فيها الفيل وقعت عليه
- ليه النملة بتقعد جنب البحر و هى بتقرأ ؟
علشان تبل ايدها كل ما تيجى تقلب الصفحة
ليه مبتاخدش الفيل قصادها على العجلة ؟
علشان بيقعد يلعب فى الجرس
- و ليه مابينزلوش البحر فى وقت واحد ؟

علشان مافيش معاهم غير مايوه واحد

- ليه الفيل مابيسلمش على النملة بايده ؟
علشان بتضغط على ايده و هى بتسلم فبتوجعه
ليه النملة مابتنامش جنبه ؟
علشان الشيطان شاطر
- ازاى نحط فيل فى ازازة ؟
نزقه و هو بيشرب
و ازاى نحط فيلين فى ازازة من غير ما يلمسوا بعض ؟
نحط بينهم فيل تالت
- ازاى نصطاد الفيل الاحمر ؟
نصطاده ببندقية الفيل الاحمر
- طب ازاى نصطاد الفيل الاخضر ؟
نستناه لما يستوى و بعدين نصطاده ببندقية الفيل الاحمر
طب ازاى نصطاد الفيل الازرق ؟
نكسفه – وشه يحمر – نقوم نصطاده ببندقية الفيل الاحمر
ازاى نقعد 4 فيلة فى عربية فولكس ؟
نقعد 2 ورا و 2 قدام
- طيب و مين اللى يسوق ؟
اللى معاه رخصة
طيب ازاى نقعد 8 فيلة فى عربية مرسيدس ؟
نبيع المرسيدس و نشترى عربيتين فولكس و نقعد فى كل عربية 2 ورا و 2 قدام
يتبع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حضن السهارى

avatar

عدد الرسائل : 87
تاريخ التسجيل : 28/06/2007

مُساهمةموضوع: رد: حوار يحرق الدم!!!!!!!!!!!000000 ؟؟؟؟؟؟؟؟؟؟؟؟   السبت يونيو 30, 2007 8:43 pm

ايه حرق الدم اللي عالصبحيه ده

حلو اويييييييييييييييييي

وخاصه صرصار راكب موتوسيكل afro ........ دي جامده

وفي انتظار الباقي يا ايه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
aia_yoyo



عدد الرسائل : 108
تاريخ التسجيل : 23/06/2007

مُساهمةموضوع: رد: حوار يحرق الدم!!!!!!!!!!!000000 ؟؟؟؟؟؟؟؟؟؟؟؟   الأحد يوليو 08, 2007 4:03 am

كدة دمك اتحرق كدة هتوفرى الفطار وممكن الغذاء كمان شوفتى انا البى على مامتك اذاى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار يحرق الدم!!!!!!!!!!!000000 ؟؟؟؟؟؟؟؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عصابة المافيا للاجرام :: الفئة الأولى :: للاستظرافات والاستعباطات-
انتقل الى: