عصابة المافيا للاجرام

اضحك كركر اوعى تفكر انك هتكون مجنون
 
الرئيسيةالبوابةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 يا جماعه انا مش ميت؟؟؟؟؟

اذهب الى الأسفل 
كاتب الموضوعرسالة
emy

avatar

عدد الرسائل : 78
تاريخ التسجيل : 23/06/2007

مُساهمةموضوع: يا جماعه انا مش ميت؟؟؟؟؟   الإثنين يونيو 25, 2007 8:42 am

يـا جمــاعـة صدقونى .. انـا مـش مـيـت !!


قمت من النوم فجأة في عيني نور غريب وقوي جدا أستغربت النور ده كله جي منين

واندهشت لما لقيت الساعه بتشاور على 3 صباحا وأن مصباح الغرفة مطفى طيب النور

ده كله جي منين وانفزعت لما لقيت نص ايدي جو الحيطه شديتها بسرعه

خرجت وانا ببصلها بكل اندهاش رجعتها تانى لقيتها دخلت جوه الحيطه استغربت

ايه اللى بيحصلي ده ؟؟

وسمعت صوت ضحك بصيت نحيته لقيت اخويا نايم جمبي ولقيته بيحلم

بيحلم انه راكب عربيه اخر موديل لناس اغنيه قوي وانه لابس اغلى واشيك لبس وكان

بيضحك وفرحان ابتسمت

(بس انا عرفت هو بيحلم بأيه ازاى!!!!!)

بعدين اتفزعت من اللى بيحصل وقمت من على السرير وجريت على اوضة امي وابي

قعدت اصحى فى امي واطبطب عليها واناديها بس هى مش بتستجيب قعدت اناديها كتير

واطبطب كتير ولقيتها فجأه

قامت كانت مخضوضه قوي وبتبص يمين وشمال لقيتها مش بترد ولا بتبصلي قعدت

انادى ماما ماما

كانت حاطة ايدها على قلبها وبتقول بسم الله الرحمن الرحيم

لقيتها بتطبطب على بابا وبتصحيه ولما قام قالت له قوم نطمن على الاولاد قالها ده وقته

قالتله معلش قلبي مش مطمن في حاجه غريبه وانا واقف مستغرب قعدت اقولها يا ماما

انا اهو يا ماما انتي مش شيفانى ياماما قامت ومشيت حاولت امسك هدومها لكن الهدوم

مش بتتمسك جريت وقفت قدمها عدت من جوايا ملقتش غير انى امشي وراها وبابا كان

وريا محاولتش ابصله عشان ما يتجاهلنيش برده ودخلت امى الاوضة وفتحت النور

انفزعت لما لقيتنى نايم على السرير وقعدت ابص لجسمى وايدى

وانا مستغرب انا ازاي بقيت اتنين !!!

انا مين ومين اللى نايم على السرير ده ؟؟


جملة بابا " استريحتى يا ستى اهم نايمين اهو "

انا عاوزه أطمن على محمد ولقيتها بتقرب مني قصدى من الشخص اللى نايم مكانى

وبتطبطب عليه كانت بتقوله يامحمد لكن هو مش بيرد وكانت بتطبطب بشويش وبدأت

تهزه جامد جريت عليها وقلتلها يا ماما انا اهو رودي عليا

لكن صوتها كان بيزيد خوف وكان بيعلى

كانت بتنادي محمد محمد

وفجأة صرخت ولقيت الصرخة بتوجعنى قوي كانها بتضربنى بكيت وقلتلها ما تصرخيش

وهى بتقول محمد وبابا جري علي وحط ايده على وشى وصرخ وبكى وحسيت بالوجع

تانى !!! محمد مش بيرد والبكاء بيزيد وانا مش عارف اعمل ايه

صحي اخويا على الصوت وهو بيسال في ايه ماما صرخت اخوك مات يا احمد مات وانا

بقولها ببكائي لأ والله ياماما انا أهوه شوفيني شوفينى انت مش سمعاني لكن ما فيش امل


بصيت للسما وقلت يارب ايه اللى بيحصل ده لكن ما لقتش سقف

وحسيت بطعنه غريبه وحجات بتقطعنى بصيت لأحمد لقيته بيصرخ قلتله اسكت انت

بتعذبني لكنه كان بيزيد فى الصراخ وماما بتبكي فى حضن بابا والنحيب بيزيد وقفت

قدمهم عاجز ومذهول رفعت راسي تانى وقلت

يارب ايه اللى بيحصل يارب فى ايه ؟؟

وسمعت صوت من كل حته كان جي من بعيد ركزت معاه لقيته بيعلا وبيزيد كأنه قرآن أيوا

قرآن والصوت بدأ يقوى يقوى قوي هزنى من شدته كان بيقول

" لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ "

وفى ذهول الصوت لقيت ايدين بتطبق عليا اتنين شكلهم مش من البشر بيقوليلى تعالى

قلتهم انتم مين وعاوزين منى ايه شدونى صرخت سيبونى ما تخدونيش من اهلى

اهلى فكرونى مت قالولى ما انت مت فعلا قلتلهم ازاي ابتسموا وقالوا

عجيب امركم يا بشر كلكم فاكرين ان الموت نهايه الحياة وما تعرفوش ان حياتكم موت

وحلم طويل هتصحو منه على اليوم ده على العالم ده قالولي احنا حراسك لحد القبر

اتفزعت قبر ايه انتوا هتدخلونى القبر ردو كل انسان لازم يدخل القبر بس انا عمرى ما

دخلت القبر ده مكتوب على كل البشر طول عمرى كنت بكره الكلمه دي مبحبش اسمعها

بستعيذ بالله منها بحاول انسها مكنتش بقدر اتخيل نفسي فى المكان الصعب ده

سألتهم بخوفي هتسيبونى ؟؟

قالولي مع عملك .. طيب وعملى ده كويس ؟؟ سكتو !!

ولقيت واحد بيصرخ وبيبكي وواحد تانى سعيد قوي وكل واحد فيهم واقف معاه اتنين بردة

زى اللى معايا

سألتهم ده بيبكى ليه قالوا ده عارف مصيره طول عمرة كان من اهل الضلال

قلت يعنى رايح النار ؟؟

واللي بيضحك ده رايح الجنه ..!! طيب انا رايح على فين ؟؟

قولولي

ردوا عليا هما كانو عارفين هما ايه فى الدنيا ودلوقتى عارفين هما فين فى الاخره

وانت عشت طول عمرك تايه متردد شويه تمشي صح وشويه تمشي غلط

شويه تتوب وترجع تعصي تاني

ما كنتش واضح هتفضل بردة انهاردة تايه مش عارف حاجه !!!

اتفزعت

وقلت ايه يعنى ايه ؟؟ انا رايح النار ؟؟

قالولى رحمة ربنا واسعه ولسة الرحلة طويلة

بصيت وريا لقيت عمي وابويا واخويا ماشين وراهم امي واهلي بيبكوا شايلين صندوق

جريت عليهم ناديت محدش بيرد ناديت على امى قلتلها يا امى ما تبكيش ادعيلى

ناديت على بابا قلته يا بابا خلى بالك من امى واخويا

ناديت على احمد قلتله يا احمد خلى بالك من نفسك سيبك من الدنيا ومتاعها

دي رخيصة قوي صدقنى مش هتنفعك

ناديتهم كلهم بس كانو مشغولين بالبكاء ومحدش سامعنى مكنتش بتمنى حاجه فى اللحظة دي الا انهم يسمعونى

وشدنى الملكين ونزلونى القبر ونيمونى فوق الجسد

عشان اشوف ابويا وهو بيرمى التراب عليا بنفسه علشان اشوفهم وهما بيودعونى

وخوفى عليهم انهم مش حاسين باللى انا حاسه وحسدى ليهم انهم لسة فى الدنيا

بس للأسف كنت ببكى وهما بيبكوا كنت خايف عليهم من الدنيا قوى

واتمنى لو اصرخ ولو يسمعونى

وخرجو كلهم وقفلوا الباب والنور تحول سواد


((اعمل للدنيا بقدر بقائك فيها واعمل للآخرة بقدر بقائك فيها واعمل لله بقدر حاجتك اليه واعمل من المعاصي بقدر ما تطيق من العقوبة ولا تسأل الا من لا يحتاج الى أحد واذا أردت أن تعصي الله ..فاعصه..في مكان لا يراك فيه))








منقووووووووووووووول No No
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

عدد الرسائل : 21
تاريخ التسجيل : 13/06/2007

مُساهمةموضوع: رد: يا جماعه انا مش ميت؟؟؟؟؟   الإثنين يونيو 25, 2007 9:26 am

mosharka
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mafia.cinebb.com
حضن السهارى

avatar

عدد الرسائل : 87
تاريخ التسجيل : 28/06/2007

مُساهمةموضوع: رد: يا جماعه انا مش ميت؟؟؟؟؟   الجمعة يونيو 29, 2007 6:38 pm

شكرا على الموضوع الرائع بجد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
aia_yoyo



عدد الرسائل : 108
تاريخ التسجيل : 23/06/2007

مُساهمةموضوع: رد: يا جماعه انا مش ميت؟؟؟؟؟   السبت يونيو 30, 2007 12:22 pm

واللة موضوع جميل يا ايمان واهوة درس لكل واحد فينا علشان خاطر

نفوق من الغفلة اللى كلنا عيشين فيها بس انتى متاكدة ان الشخص اللى فى القصة

مش انتى اصل انا حاسة انك كنتى انتى وانتى بتحلمى عععععععععع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يا جماعه انا مش ميت؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عصابة المافيا للاجرام :: الفئة الأولى :: قهوة المافيا-
انتقل الى: